آدم وحواء فلسطين
دعوة للاننضمام لاسرتنا

السلام عليكم ورحمة الله وبركاته ، مرحباً بك فى منتدى ادم وحواء فلسطين، نرجو أن تكون فى كامل الصحة والعافية
لكى تتمكن من المشاركة يجب عليك التسجيل بالمنتدى . أما إذا كنت تريد تصفح موضوعات المنتدى فقط فتفضل مع اننا نتمنى وجودك معنا




منتدى يهتم بعالم آدم وحواء واخر الموضات والازياء والتسريحات والعناية بالبشرة والعلاقة الاسرية والتربية والثقافة الجنسية
 
الرئيسيةالبوابةبحـثالتسجيلدخول
بحـث
 
 

نتائج البحث
 
Rechercher بحث متقدم
سحابة الكلمات الدلالية
المواضيع الأخيرة
» وائل جسار رولا سعد يانا يانا روعة 2012
الخميس ديسمبر 01, 2011 1:00 pm من طرف NADOOSH

» اغنية الدحية وبصوت اهل البداية
الخميس ديسمبر 01, 2011 12:59 pm من طرف NADOOSH

» باسل جبارين يغني لوادي الذئاب
الخميس ديسمبر 01, 2011 12:59 pm من طرف NADOOSH

»  عوني الشوشاري نار
الخميس ديسمبر 01, 2011 12:57 pm من طرف زهرة البتول

» الله على الايام الله على الالام عبدو الخياط
الخميس ديسمبر 01, 2011 12:55 pm من طرف سمو الامير

» دول وعواصم في ادم وحواء
الخميس ديسمبر 01, 2011 12:54 pm من طرف سمو الامير

» إدراكك هو قاطرتك
الخميس ديسمبر 01, 2011 12:54 pm من طرف سمو الامير

» حقيقة أقهرها بإيجابيتي.."
الخميس ديسمبر 01, 2011 12:54 pm من طرف سمو الامير

» تلك الكلمة تكفي لمقدمة
الخميس ديسمبر 01, 2011 12:54 pm من طرف سمو الامير

التبادل الاعلاني

انشاء منتدى مجاني



نوفمبر 2018
الأحدالإثنينالثلاثاءالأربعاءالخميسالجمعةالسبت
    123
45678910
11121314151617
18192021222324
252627282930 
اليوميةاليومية

شاطر | 
 

 نصائح لشراء البرفان المناسب

اذهب الى الأسفل 
كاتب الموضوعرسالة
آلصوت♥آلجريـح
...::| المدير العام |::...
...::|  المدير العام   |::...
avatar

ذكر
السٌّمعَة 17
الجدي
تاريخ الميلاد : 01/01/1980
عدد المساهمات عدد المساهمات : 198
العمر : 38
تاريخ التسجيل 14/10/2011

بطاقة الشخصية
توقيع المنتدى توقيع المنتدى:

27102011
مُساهمةنصائح لشراء البرفان المناسب

الموضوع حصري جدا وارجو منكم التثبيت

موضوع بيهم ناس كتير هو موضوع البرفانات والعطور وده لأن الفترة اللي فاتت جات لي أسئلة كتير حول الموضوع ده بالذات... علشان كده هاخصص حلقة الأسبوع ده علشان أجاوب فيها على كل الأسئلة اللي بتدور في دماغهم...



العطور أنواع كتير

أول حاجة لازم نعرفها إن العطور أنواع كتير قوي فيه منها "العطور الخفيفة"، وفي "العطور المركزة"... وده هنقدر نعرفه بإننا لما نشتري أي زجاجة برفان نقلبها على ظهرها ونشوف مكتوب عليها إيه؟!

فلو كان مكتوب عليها "Perfume" فده يعني إن زجاجة البرفان دي فيها عطر مركز جدا وإن رائحته هتدوم أكثر من 12 ساعة تقريبا ومعنى كده إننا ناخد بالنا وأحنا بنحطه لأن رشة واحدة منه هتملى الدنيا.

أما بقى لو كان مكتوب عليه "Eau de perfume" فده معناه إن البرفان ده مش مركز قوي وهيدوم لمدة 8 ساعات..

لكن لو كان مكتوب عليه "Eau de toilette" فده معناه إنه برفان خفيف ورائحته هتدوم لمدة 4 ساعات.

أما لو كان مكتوب عليه "Eau de cologne" فده معناه أنه برفان خفيف ومش بيدوم أكتر من ساعتين وده بيكون مناسب جدا للناس اللي مش بتحب البرفانات اللي ليها رائحة قوية.

إزاي تشتري البرفان



فيه حاجات كتير قوي لازم ناخد بالنا منها وأحنا بنشتري البرفان وهي..

وقت الشراء

أنسب وقت ممكن أننا نروح نشتري فيه البرفان هو بالليل وبلاش نروح نشتري بالنهار.. وده لأن حاسة الشم بتبلغ قوتها عند الإنسان بالليل أكتر من النهار وبالتالي هنقدر أننا نحكم على رائحة البرفان كويس.


نشم على مسافة 5 سم

لو رايحين المحل ومفيش في دماغنا نوع معين من البرفان ناويين إننا نشتريه يبقى مفيش أي مشكلة من إننا نطلب من البائع إنه يسمح لنا أننا نشم البرفان الأول قبل ما نشتريته.. وده عن طريق أنه يرش البرفان على الأوراق المخصصة لتجربته أو على غطاء الزجاجة ويكون بينا وبين الأوارق دي أو الغطاء ده مسافة حوالي 5 سم علشان نقدر نحكم على رائحة البرفان كويس.


بلاش رش البرفان على الملابس

في غلطة كتير منا بيقع فيها وهي إنه بيرش البرفان على ملابسه علشان يجربه ودي حاجة مش صح بالمرة لأن بكده مش بيقدر إنه يشم رائحة البرفان كويس كمان رش أكتر من نوع من أنواع البرفان بيخلي من الصعب تحديد أي نوع إحنا عايزين.


وكمان بلاش رش البرفان على إيدينا

من الحاجات الغلط اللي بنعملها واحنا بنشتري البرفان أننا بنرش البرفان علي إيدينا علشان نشم رائحته ودي حاجة غلط لأننا ممكن يكون عندنا حساسية تظهر مع رش أكتر من نوع برفان على جسمنا.


بين كل نوعين خد راحة 5 دقائق

ياريت وأحنا في المحل ما نحاولش نجرب أنواع كتيرة من البرفانات وده علشان نقدر نحكم كويس على البرفان..

ولو كنا محتارين وهنجرب أكتر من نوع من أنواع العطور يبقى ممكن أننا بعد كل نوعين نخرج من المحل لمدة 5 دقائق ونرجع تاني وده علشان نقدر إننا نحكم كويس على الرائحة الجديدة..

وفي حاجة حلوة قوي أنا باعملها لما أكون رايح أشتري برفان وهي أني باخد معايا "كيس بن" أو "حبوب بن" ودي علشان أشمها بعد كل نوع برفان أشمه وده طبعا علشان أقدر إني افصل بين كل نوع والتاني من البرفانات اللي أنا بشمها وده لأن القهوة والبن ليهم ريحة نافذة هتغطي علي ريحة البرفان.


إزاي نحط البرفان

أفضل وقت لوضع البرفان هو بعد الاستحمام مباشرة، وده لأن الجلد في الوقت ده بيكون نظيف والمسام مستعدة لاستقبال المادة العطرية وياريت ما نحطش مزيل العرق في الأماكن اللي هنحط فيها البرفان..

أحسن طريقة لوضع البرفان هي أننا نبدء بوضع البرفان من الأسفل إلى أعلى، لأن الرائحة العطرية تصعد إلى الأعلى.

عايز كمان أقول لكم على حاجة إني ما بافضلش أننا يكون عندنا أنواع كتيرة من البرفانات كفاية قوي ثلاث أنواع من البرفان بس تكون من الأنواع الكويسة المعروفة لأن الأنواع غير المعروفة ممكن أنها تسبب لبعض الناس حساسية في الجلد أو حساسية في الجيوب الأنفية.

كمان أنا بافضل إننا نجدد في استخدامنا لريحة البرفان وبلاش نثبت على ريحة ثابتة مميزة.



إزاي نخلي ريحة البرفان تثبت؟!

لو عندنا برفان وكل ما نحط منه نلاقي إن ريحته بطير على طول ومش بتثبت فده ليه حل حلو قوي وهو أننا نقفل زجاجة البرفان كويس قوي ونحطها في الفريزر لمدة أسبوع وبعد كده نطلعها ونحطها لمدة أسبوع كمان في مكان مظلم وليكن مثلا في الدولاب بين الملابس وبعد كده نطلعها ونستخدمها هنلاقي إن ريحتها بقت بدوم أكتر من الأول بكتير..


إزاي نحتفظ بالبرفان لأطول وقت ممكن؟!

لو كنتي عروسة وبتجهزي وعايزة تجيبي برفان وتشيليه لغاية ما تتجوزي يبقى اشتريه وشيليه زي ما هو كده في علبته الكرتون في مكان مظلم وليكن مثلا بين ملابسك وبلاش تطلعيه نهائي لأن العطور بتفسد من الضوء والهواء...

==========================================================================================================








الرجوع الى أعلى الصفحة اذهب الى الأسفل
http://hawaa.3rab.pro
مُشاطرة هذه المقالة على: diggdeliciousredditstumbleuponslashdotyahoogooglelive

نصائح لشراء البرفان المناسب :: تعاليق

avatar
رد: نصائح لشراء البرفان المناسب
مُساهمة في الإثنين نوفمبر 07, 2011 9:52 pm من طرف NADOOSH
كالعادة ابداع رائع

وطرح يستحق المتابعة

شكراً لك

بانتظار الجديد القادم
دمت بكل خير
 

نصائح لشراء البرفان المناسب

الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
آدم وحواء فلسطين :: منتديات الاسرة والمجتمع :: لكـ سيدتي حواء :: مكياج وتجميل-
انتقل الى: