السلام عليكم ورحمه الله وبركاته
اخواتي حبيت اقولكم طريقتنا في بقايا الاكل واتمنى الكل يستفيد حتى محد يتحاسب على النعم المرميه في النفايات
الخبز والمعجنات والشيبس والمكسرات والاكلاات الجافه
في المطبخ حطينا كرتون صغير مزينين شكله نحط البقايا فيه وكل نهايه يوم ناخذه ونحطه في كيس كبير في السطح
الرز المكرونه في الفرزير حطينا كيس وسط وكل مازاد شي نكبه فيه بس لاتنسون لاتكبوه وهو حار خلوه يبرد بعدين كبوه في الكيس عشان مايخرب ويطلع ريحه بالفريزر وكل متملى نقفله ونحط غيره
الاشياء السايله لاتقولون صعب نحفظها والله بسيطه
الحليب القهوه الشاي الايدامات ووو اذ زاد منها شي ابد مانكبه بالمغسله نكبه في جالون وسط واخوي كل يوم ياخذه وياخذ الي في بيت مرت اخوي واختي ويوديه بمخطط قريب عند واحد عنده غنم طبعا مايودي الاخ الا ببخشيش شهري من امي
اما الي بالفرزير نوديه اسبوعيا والخبز شهريا تاكله الحيوانات ولا يترمي في النفايات